KKDAT- Bontoc Chapter, nakilahok sa “Clean and Care” NSTP Volunteer Month Celebration

Nakilahok ang mga miyembro ng Kabataan Konta Droga at Terorismo- Bontoc Chapter sa isinagawang “Clean and Care” NSTP Volunteer Month Celebration sa Chico Riverbank, Bontoc, Mountain Province noong ika-8 ng Disyembre 2024.

Ang aktibidad ay inisyatiba ng mga tauhan ng 2nd Mountain Province Provincial Mobile Force Company katuwang ang mga tauhan ng Bureau of Fire Protection (BFP), Bureau of Jail Management and Penology (BJMP), faculty members at mga estudyante ng Mountain Province State University (MPSU).

Tulong-tulong at sama-sama ang mga grupo sa pagkolekta sa mga basurang nakakalat sa nasabing tabing-ilog.

Ang masugid na pagtutulungan ng mga naturang grupo ay naglalayong panatilihin ang kalinisan at kagandahan ng kapaligiran para sa kaligtasan at kapakanan ng bawat isa.

Samantala, ang mga miyembro ng KKDAT ay patuloy na makiisa sa mga programa o aktibidad na isinusulong ng kapulisan at patuloy na magbibigay ng magandang serbisyo at susuportahan ang mga programa ng pamahalaan na nakatuon sa pagpapaganda at pagpapaunlad ng kapaligiran.