Two Days BPAT Course at Barangay BADAC Seminar, isinagawa sa Allen, Northern Samar
Matagumpay na isinagawa ang dalawang araw na Barangay Peacekeeping Action Team (BPAT) Course and the Barangay Anti-Drug Abuse Council (BADAC) Seminar sa Kulod Farm, Brgy. Sabang 2, Allen, Northern Samar nito lamang Nobyembre 18, 2025.
Ang aktibidad ay inisyatiba ng Allen Municipal Police Station sa pamumuno ni Police Captain Verna O. Cesista, Acting Chief of Police at si Hon. Arturo T. Dubongco, ABC President kasama ang PDEA 8 Northern Samar, mga kalahok mula sa iba’t ibang barangay, kabilang ang Brgy. Sabang Zone 1, Brgy. Sabang Zone 2, Brgy. Kinabranan Zone 1, Brgy. Kinabranan Zone 2, Brgy. Looc, Brgy. Imelda, Brgy. Bonifacio, Brgy. Frederick, Brgy. Alejandro, at Brgy. Jubasan.
Ayon kay Hon. Dubongco, sa kanyang pangwakas na mensahe na nagbibigay-diin sa mahalagang papel ng bawat barangay sa pagpapanatili ng kapayapaan, pagkakaisa, at katatagan ng komunidad. Ipinahayag niya ang kanyang buong suporta sa patuloy na pagsisikap ng PNP at hinikayat ang mga opisyal ng barangay na manatiling aktibo sa pagprotekta sa kanilang mga komunidad mula sa krimen at ilegal na droga.
Pinasalamatan din niya ang lahat ng kalahok at organizers sa kanilang patuloy na pangako sa serbisyo publiko. Sama-sama ang grupo na bumuo ng mas ligtas, mas malakas, at walang droga na komunidad.
Layunin ng inisyatibong ito na palakasin ang kakayahan ng mga barangay sa pagpapanatili ng kapayapaan at kaayusan, pagtataguyod ng kaligtasan ng komunidad, at pagpapaigting ng mga hakbang laban sa ilegal na droga sa loob ng munisipalidad.
