BPATs, nakiisa sa Security Assistance sa Surigao del Norte

Nakiisa ang mga Barangay Peacekeeping Action Team (BPATs) sa isinagawang Security Assistance sa isang basketball game ng Bacuag Municipal Police Station na ginanap sa Covered Court ng Brgy. Poblacion, Bacuag, Surigao del Norte noong Setyembre 14, 2024, bandang 7:50 ng gabi.

Ang aktibidad na ito ay bahagi ng pagpapatupad ng LIGTAS Caraga, isang programa na naglalayong mapanatili ang kaayusan at seguridad sa mga pampublikong pagtitipon.

Layunin ng tulong presensya ng pulis at BPATs na mapanatili ang ligtas na kapaligiran para sa mga dumalo sa Basketball Game, na isa sa mga pangunahing kaganapan ng 114th Bacuag Annual Town Fiesta Celebration.

Ang inisyatibong ito ay nagpapakita ng dedikasyon ng PNP at BPATs sa pagpapaigting ng seguridad at sa pagbibigay ng proteksyon sa komunidad.

Sa pamamagitan ng mahusay na koordinasyon at pag-organisa ng PNP at BPATs, natutulungan ang mga mamamayan na makapagdiwang nang maayos at ligtas.