Life Coaches, nakiisa sa isinagawang KWIM at Information Drive sa Northern Samar

Northern Samar – Nakiisa ang Life Coaches sa isinagawang Kasimbayanan Weekly Interactive Meeting at Information Drive na ginanap sa Brgy. 8 Poblacion, Pambujan, Northern Samar noong Marso 8, 2023.

Naging matagumpay ang nasabing aktibidad sa pangunguna ni Ptr. Edgar Moleje, Life Coach katuwang ang mga tauhan ng 2nd Northern Samar PMFC sa ilalim ng pangangasiwa ni PLtCol Alex c Dang-aoen, Force Commander.

Tinalakay sa aktibidad ang Crime Prevention, Public Safety, at Internal Security Operation. Bukod dito, namahagi ang nasabing grupo ng IEC materials hinggil sa safety tips sa Iwas COVID-19, Drug Awareness, Enhanced Comprehensive Local Integration Program, Violence Against Women and their Children.

Layunin ng aktibidad na ipabatid ang responsibilidad ng bawat mamamayan sa kapayapaan at kaayusan ng ating lipunan.