Dalagan Para Han Tingog Han Kababayin-an, isinagawa sa Samar

Catbalogan City – Nagsagawa ang Samar Provincial Advisory Group for Police Transformation and Development ng 5km Fun Run na may temang, “Dalagan Para Han Tingog Han Kababayin-an” sa Camp Lukban, Maulong, Catbalogan City nito lamang Marso 28, 2023.

Ang aktibidad ay pinangunahan ni Ms. Mary Jane Acedillo, Project Development Officer I, Youth Formation Coordinator Child Protection Program Focal Person, na nagsilbi rin na Guest of Honor and Speaker sa 100 katao lumahok bilang mga runners.

Nakiisa rin sa aktibidad ang mga government at non-government employees, stakeholders at mga civilian running enthusiasts sa nasabing aktibidad.

Binigyang diin ni Ms. Acedillo na ang mga kababaihan ay ipinanganak na malakas, may kakayahan at likas na mahabagin.

Ang “Dalagan Para Han Tingog Han Kababayin-an” o Takbo para sa Tinig ng Kababaihan ay naglalayong makalikom ng pondo para sa pagtatatag ng Police Transformation and Development (PAGPTD) Office sa loob ng Samar PPO premises. Hangad din ng aktibidad na suportahan ang PNP sa pagkamit ng kanilang vision at gabayan ang direksyon nito bilang boses at kinatawan ng komunidad para pagpapanatili ng kaligtasan at kaayusan sa lugar.