Community Outreach Program isinagawa sa Banaue, Ifugao

Nagsagawa ng Community Outreach Program ang grupo ng Ifugao Gateway Eagles Club sa 2nd Ifugao Provincial Mobile Force Company Headquarters, Barangay Viewpoint, Banaue, Ifugao nito lamang ika-20 ng Agosto 2023.

Katuwang ng IGE Club ang Ifugao Gateway Lady Eagles Club sa pangunguna ni Ms Maureen Bugatti kasama ang grupo nina Doctor Roman Cumahling at Dra. Grasibel Bahatan, at mga tauhan ng 2nd Ifugao PMFC. 11 na kabataan ang nabigyan ng serbisyo sa libreng tuli habang 22 naman ang nahandogan ng libreng gupit.

Bukod pa rito, nagsagawa rin ang grupo ng feeding program at talakayan hinggil sa anti-bullying upang mapalawak ang kaalaman ng mga bata sa mga iba’t ibang uri ng bullying.

Samantala, labis ang tuwa ng mga batang benepisyarong mula sa Barangay Viewpoint at Barangay Poblacion.

Sama-sama ang mamamayan at PNP sa pagkamit ng kaunlaran at kaayusan sa ating bayan.