Advocacy Support Group, namahagi ng insecticide-treated mosquito screens sa Iloilo City

Iloilo- Namahagi ang mga miyembro ng Advocacy Support Group ng insecticide-treated mosquito screens sa Tagsing-Buyo National High School, Santa Barbara, Iloilo nito lamang ika-15 ng Enero 2023.

Ang aktibidad ay pinangunahan ng IPPO Officers’ Ladies Club Adviser katuwang ang mga tauhan ng Iloilo Police Provincial Office (IPPO) na kung saan ipinaabot ang insecticide-treated mosquito screens sa naturang paaralan.

Ang mga insecticide-treated mosquito screens ay naglalayong maprotektahan ang mga mag-aaral laban sa mga nakamamatay na sakit na dulot ng kagat ng lamok.

Ang nasabing programa ay bahagi ng mga hakbang ng naturang grupo upang mapanatili ang mabuting kalusugan at kaligtasan ng mga mag-aaral at kawani ng Tagsing-Buyo National High School.