2,000 LGBTQIA, nakiisa sa pagtatapos ng Pride Month sa CDO

Aabot sa 2,000 libong LGBTQIA members ang nakiisa sa pagtatapos ng Pride Month na ginanap sa Amphitheatre, Cagayan de Oro City nito lamang Linggo, ika-30 ng Hunyo 2024.

Sa nasabing kaganapan, idinaos ang Pride March na nilahukan ng mahigit 2000 miyembro ng LGBTQIA+ community, advocates mula sa iba’t ibang barangay, opisina, organisasyon, pribadong sektor at iba pa.

Ibinahagi din ng 10 LGBQIA+ couples ang kanilang love story at nabigyan ng libreng lechon at wine kasama na ang pride night kung saan ipinakita rin ng mga LGBTQIA+ ang kanilang magkakaibang talento.

Idinaos din ang pride fair kung saan ang LGU-CDO ay nagbigay ng mga libreng serbisyo mula sa iba’t ibang tanggapan tulad ng libreng HIV Screening, pamamahagi ng condom at lubricants, mini job offering sa City College kasama na ang libreng bitamina mula sa City Health Insurance Office at psychosocial services mula sa City Social Welfare and Development Department Psychosocial Division.

Ang kaganapan ay isang inisyatibo ng City Gender and Development Focal Point System at mahigpit na sinusuportahan ni Mayor Klarex Uy.

Nagtapos ito sa isang fireworks display bilang isang representasyon ng pagmamalaki, pagkakaisa at pagpapatibay ng pagkakakilanlan ng komunidad ng LGBTQIA+ at ng kanilang kontribusyon sa komunidad.