KKDAT at BPATs, nakiisa sa Tree Planting Activity sa Agusan del Sur

Nakiisa ang Kabataan Kontra Droga at Terorismo (KKDAT) at Barangay Peacekeeping Action Team (BPATs)-Langkilan sa isinagawang Tree Planting Activity ng mga tauhan ng Trento Municipal Police Station noong Hunyo 30, 2024 bandang 6:00 ng umaga sa P-7, Barangay Langkilaan, Trento, Agusan del Sur.

Ang aktibidad ay isang konkretong hakbang upang labanan ang climate change at mapanatili ang kalikasan para sa mga susunod na henerasyon.

Layunin ng aktibidad na makatulong sa pagpapabuti ng kalidad ng hangin, pagpapanatili ng biodiversity, at pag-aalaga sa kapaligiran.

Nagsilbing isang inspirasyon din ang aktibidad para sa iba pang mga komunidad na magkaisa para sa pangangalaga sa kalikasan at paglikha ng mas luntian at mas malinis na kapaligiran para sa lahat.