Advocacy Support Group, nakiisa sa Tree Planting Activity

Nakiisa ang mga miyembro ng Advocacy Support Group (ASG) sa pamumuno ni Ms. Jovita Tomale, President ASG, at Kabataan Kontra Droga at Terorismo (KKDAT), sa isinagawang Tree Planting Activity sa Eco Park Tourism, Riverside, Tuguegarao City, Cagayan, nitong ika-10 ng Hulyo 2024.

Kasama sa aktibidad ang Tuguegarao Component City Police Station sa pangunguna ni Police Major Magno T Catubag, Deputy Chief of Police.

Tulung-tulong ang grupo sa pagtatanim ng 100 na bamboo tree.

Ang matagumpay na pagsasakatuparan ng aktibidad ay bahagi ng hakbangin ng grupo upang ipakita ang malasakit sa kalikasan para sa kapakanan ng mamamayan.

Ang mga miyembro ng ASG at KKDAT, katuwang ang PNP ay patuloy na maghahatid ng serbisyo sa ating komunidad na may kaugnayan sa pagpapanatili ng kalinisan at kaayusan ng kapaligiran para sa mas progresibong pamayanan.

Source: Tuguegarao CPS