Medical Mission at Tree Planting, isinagawa ng LMP Zamboanga del Norte Chapter

Nagsagawa ng Medical Mission at Tree Planting Activity ang LMP Zamboanga Del Norte Chapter sa Barangay Raba, Godod, Zamboanga del Norte nito lamang ika-9 ng Hulyo 2024.

Matagumpay ang aktibidad sa pamumuno ng LMP Zamboanga del Norte Chapter katuwang ang mga Barangay Officials, Godod Municipal Police Station na pinamunuan ni Police Major Roseller T Buburan, Chief of Police at dinaluhan din ni Police Major Nestor M Gania, Chief, Provincial Operations Management Unit at nagbigay kaalaman sa peace and order ng Zamboanga del Norte.

Ang aktibidad ay naglalayong magbigay ng libreng serbisyong medikal sa mga 200 katao na nakatanggap ng libreng check-up, gamot, libreng tuli at libreng gupit.

Bahagi ito ng serbisyong nagkakaisa ng PNP at mamamayan na naglalayong maitaguyod at mapagtibay ang mabuting ugnayan ng bawat ahensya ng pamahalaan at pamayanan.