Force Multiplier, nakiisa sa Coastal Clean-up Drive sa MisOcc

Bilang pagdiriwang ng 29th PCR Month ay nakiisa ang mga miyembro ng Force Multipliers sa isinagawang coastal clean-up drive na ginanap sa Baybayin ng Cotta Beach, Barangay Baybay Triunfo, Ozamiz City, Misamis Occidental nito lamang Lunes, ika-16 ng Hulyo 2024.

Ang aktibidad ay pinangunahan ng Philippine Coast Guard kasama ang opisyales ng Barangay, SOS/Kabalikat CIVICOM at Maritime Police Station PNP sa pangunguna ni Police Major Jojo Balanci, Station Chief ng Misamis Occidental Maritime Police Station.

Dala-dala ang mga walis at mga gamit panglinis ay nag ikot-ikot ang mga nasabing grupo upang mamulot ng basura sa gilid ng dalampasigan.

May kabuuang 15 sako ng solid waste materials ang nakolekta.

Layunin nito na tanggalin ang mga basura sa baybayin upang mapanatiling malinis at ligtas ang marine ecosystem.

Nilalayon din nitong palaganapin ang kaalaman tungkol sa tamang pagtatapon ng basura at hikayatin ang pakikipagtulungan ng komunidad sa pangangalaga ng kalikasan.