Force Multipliers, nakiisa sa pamimigay ng Relief Goods
Aktibong nakiisa ang Force Multipliers sa pamimigay ng relief goods sa Barangay Cacamilingan Norte, Camiling, Tarlac nito lamang Biyernes, ika-26 ng Hulyo 2024.
Ang aktibidad ay pinangunahan ni Police Captain Rudy T Mangawa sa ilalim ng pangangasiwa ni Police Lieutenant Colonel Ford B Sudaypan, Force Commander katuwang ang Barangay Officials at Tarlac Local Government Unit na pinamunuan ni Hon Erlon Agustin, Municipal Mayor ng Camiling, Tarlac.
Tinatayang 250 na apektadong pamilya ng bagyong Carina ang nabigyan ng tig-isang plastic na naglalaman ng mga de lata at bigas.
Layunin nitong maipakita at maipadama ang malasakit at tulong sa mamamayan na lubos na nangangailangan sa panahon ng kalamidad at sakuna.
