Brigada Eskwela Kick-Off Ceremony, isinagawa sa Isabela City
Matagumpay na naisagawa ang Brigada Eskwela Kick-Off Ceremony sa Masula Barangay Hall, Masula, Isabela City nito lamang Sabado ika-27 ng Hulyo 2024.
Ang naturang aktibidad ay dinaluhan ng mga barangay opisyals, mga magulang ng mga mag-aaral at aktibong nakiisa ang mga personahe ng Isabela City Police Station na pinamunuan ni Police Lieutenant Colonel Parson Asadil, Officer-In-Charge.
Ang aktibidad ay may temang “Bayanihan para sa Matatag na Paaralan” na naglalayong tiyakin na ang mga paaralan ay magiging mas ligtas, malinis, matatag, at kaaya-aya para sa mga mag-aaral.
Patuloy na makikiisa ang PNP sa mga aktibidad katuwang ang mamamayan para itaguyod ang mas maayos at ligtas na komunidad.
