Drug, VAWC, Moral Value Symposium, isinagawa sa Davao Occidental

Matagumpay na maituturing ang isinagawang Drug, VAWC at Moral Value Symposium sa Barangay Tubalan, Malita, Davao Occidental nito lamang Agosto 3, 2024.

Ang naturang aktibidad ay nagsilbing bahagi ng pagdiriwang ng Linggo ng Kabataan.

Naging tagapagsalita naman ang isang pulis mula sa Davao Occidental Provincial Mobile Force Company at nagnahagi ng mahalagang kaalaman hinggil sa mga napapanahong paksa sa ilegal na droga, rehabilitation programs at Violence Against Women and their Children o VAWC.

Ang aktibong pakikiisa ng Tubalan BLGU sa makabuluhang kaganapan na ito ay patunay sa hangarin ng gobyerno, gayundin ng komunidad, na maibigay ang nararapat at sapat na suporta sa mga kabataan na nangangailangan ng gabay upang makamit ang mga pangarap na magsisilbing susi sa maunlad na Pilipinas.