Mga mag-aaral, nakiisa sa Information Awareness ng Batangas PNP

Aktibong nakiisa ang mga estudyante na nasa ika-10 baitang ng Malvar School of Arts and Trade sa isinagawang Information Awareness na ginanap sa Barangay Poblacion, Malvar, Batangas nito lamang Martes, ika-17 ng Septyembre 2024.

Naisagawa ang aktibidad na ito sa pangunguna ni PCpl Grizzly O Paraz sa pamumuno ni Police Major Ralph Gannaban Dayag, Chief of Police ng Malvar Municipal Police Station. Tinalakay sa mga ito ang patungkol sa Prevention on the Occurrence of Rape Incidents at Forms of Violence against Women.

Ang ganitong uri ng aktibidad ay naglalayon na mabigyan pa ng dagdag kaalaman ang mga bata lalo na sa mga batas para maiwasan ang paglabag sa karapatang pantao at mapanatiling ligtas ang bawat isa tungo sa Bagong Pilipinas na puno ng pag-asa.