Symposium Activity, isinagawa sa Poctoy National High School sa Marinduque

Naisakatuparan ang pagsasagawa ng symposium activity sa mga mag-aaral ng Poctoy National High School sa Brgy. Poctoy, Torrijos, Marinduque nito lamang ika-17 ng Setyembre 2024.

Ang naturang aktibidad ay inisyatiba ng Torrijos Municipal Police Station at tinalakay ng mga tauhan nito ang mga paksa hinggil sa Anti-criminality, Anti-Terrorism at Anti- Illegal drugs campaign ng gobyerno.

Ang aktibidad ay naglalayong turuan ang mga kabataan laban sa masamang epekto ng iligal na droga at terorismo at hikayatin ang mga ito na maging parte sa paglaban sa kriminalidad.