BPSO, nagsagawa ng Traffic Management and Safe Spaces Act Seminar

Nagsagawa ang Bayambang Public Safety Office (BPSO), sa ilalim ni BPSO Chief, Ret. Col. Leonardo Solomon ng isang Traffic Management and Safe Spaces Act Seminar sa Pavilion 1, St. Vincent Ferrer Prayer Park nito lamang Biyernes, November 8, 2024.

Ang naturang seminar ay dinaluhan ng lahat ng BPSO traffic enforcers at lahat ng official drivers ng LGU. Kabilang sa mga naging lecturer ang Highway Patrol Group, Land Transportation Office, at si PSMS Zebedee De Leon ng PNP.

Tumayong guest speaker naman si PNP-Bayambang OIC Chief, PLtCol Lawrence Keith Calub. Ang nasabing aktibidad ay malaking bagay upang mabigyan ng tamang kaalaman ang mga kalahok at kanilang mapahusay ang kanilang kakayahan upang sila ay makapagtrabaho ng tama at mahusay. Source: Bayambang LGU