Benguet Youth Leaders, nagsagawa ng Clean-Up Drive

Nagsagawa ng clean-up drive at beautification activity ang Benguet Youth Leaders sa Warrior’s Nest, Puguis Communal Forest, La Trinidad, Benguet nito lamang ika-12 ng Nobyembre 2024.

Lumahok sa aktibidad ang mga estudyante ng University of Baguio – School of International Hospitality and Tourism Management at mga tauhan ng Benguet 2nd Provincial Mobile Force Company.

Bukod sa paglilinis, naglagay din ng mga dekorasyon at nag-ayos ng kapaligiran ang mga naturang grupo upang mas maengganyo ang mga bisita na muling bumisita sa lugar.

Sa mga susunod na buwan, inaasahan na mas marami pang turista at lokal ang bibisita sa Puguis Communal Forest upang masilayan ang pinaganda nitong anyo, dulot ng pagtutulungan ng mga organisasyon at indibidwal.