KKDAT- Bucay Chapter, nakiisa sa Pamamahagi ng mga Relief Packs

Nakiisa ang mga miyembro ng Kabataan Kontra Droga at Terorismo-Bucay Chapter sa isinagawang pamamahagi ng mga relief packs sa Brgy. Layugan, Bucay, Abra nito lamang ika-12 ng Nobyembre, 2024.

Ang aktibidad ay pinasimulan ng Bucay Municipal Police Station, katuwang ang mga opisyales at miyembro ng LGU, mga miyembro ng DSWD, mga miyembro ng MDRRM, at Kabataan Kontra Droga At Terorismo- Bucay Chapter.

Matagumpay na naibahagi sa 17 pamilya ang nasabing tulong at prayoridad na nabigyan ang mga matatandang residente at mga bata.

Ang layunin ng inisyatibo na ito ay upang hikayatin ang mga kabataan at mag-aaral upang tumulong sa mga taong may kakaunting suplay ng pagkain, tubig, damit, at iba pa sa panahon ng natural o gawa ng tao na mga sakuna.