Livelihood Training isinagawa sa Balabac, Palawan
Matagumpay na isinagawa ang livelihood training program sa pamamagitan ng paggawa ng dishwashing liquid na ginanap sa Sitio Maria Hangin, Balabac, Palawan nito lamang ika-12 ng Marso 2025.
Naisakatuparan ang aktibidad sa pagtutulungan ng mga opisyal at residente ng lugar katuwang ang mga tauhan ng 1st Palawan Provincial Mobile Force Company.
Ang inisyatiba na ito ay nagbibigay kapangyarihan sa mga indibidwal sa pamamagitan ng pagbibigay sa kanila ng mahahalagang kasanayan, pagtataguyod ng kalayaan sa pananalapi, at pagbibigay-daan sa kanila na mag-ambag ng positibo sa kanilang komunidad.
Bukod pa rito, sinusuportahan ng programa ang inisyatiba ng Revitalized-Pulis Sa Barangay (R-PSB) ng Philippine National Police, na naglalayong bumuo ng tiwala, palakasin ang mga relasyon sa komunidad, at lumikha ng mas ligtas, mas maayos na kapaligiran.
