Mondragon LGU, pinalakas ang kampanya para wakasan ang Violence Against Women
Patuloy na pinaiigting ng Local Government Unit ng Mondragon ang pagsisikap na wakasan ang Violence Against Women (VAW) sa pamamagitan ng isang Men Opposed to Violence Against Women Everywhere (MOVE) symposium na ginanap sa Municipal covered court ng Mondragon, Northern Samar nito lamang Marso 13, 2025.
Ang inisyatiba ay pinangunahan ng Municipal Social Welfare and Development Office sa pamumuno ni Ms. Emma A. Lobos, kasama si Ptr. Crisanto Tinerepe, Life Coach katuwang ang Northern Samar Police Provincial Office sa pangunguna ni Police Captain Nuncia A. Formaran, Chief of the Women and Children Protection Desk.
Alinsunod sa pagdiriwang ng National Women’s Month, pinagsama-sama ng symposium ang mga barangay officials at barangay tanod mula sa lahat ng barangay sa buong munisipyo.
Tinalakay ang mga pangunahing batas at patakarang nangangalaga sa mga karapatan ng kababaihan, ang mga kahihinatnan ng pagpapagana ng Gender-Based Violence at mga paraan upang suportahan ang mga biktima ng pang-aabuso.
Samantala, binigyang-diin din ang mahalagang papel ng mga lalaki sa pagwawakas ng karahasan, ang kahalagahan ng pagiging kaalyado ng lalaki at ang pangangailangang kilalanin at hamunin ang toxic masculinity.
Ang naturang aktibidad ay muling nagpapatibay sa pangako ng Mondragon LGU sa pagpapaunlad ng isang mas ligtas at mas inklusibong komunidad para sa lahat.
