Candidates Forum and Covenant Signing para sa NLE 2025, idinaos sa Biliran
Matagumpay na idinaos ang Candidates Forum at Covenant Signing para sa isang LIGTAS na 2025 National and Local Elections (NLE) and the Bangsamoro Autonomous Region in Muslim Mindanao Parliamentary Elections (BARMM PE) sa Capitol Grounds, Naval, Biliran nito lamang Marso 19, 2025.
Ang kaganapan, na ginanap sa pakikipagtulungan ng COMELEC Biliran sa pamumuno ni Atty. Sabino C. Mejarito, Provincial Election Supervisor, katuwang ang Biliran Police Provincial Office sa pamumuno ni Police Colonel Erwin I Portillo, Provincial Director at dinaluhan ng mga pangunahing ahensya, kabilang ang Philippine Army, Department of the Interior and Local Government (DILG), Philippine Coast Guard (PCG), Bureau of Fire Protection (BFP), Department of Education (DepEd), at Biliran Provincial Information Office. Aktibo namang lumahok ang mga kandidatong mula sa House of Representatives, Governor, Vice Governor at Sangguniang Panlalawigan Members.
Ang isang makabuluhang highlight ng kaganapan ay ang Covenant Signing, na sumasagisag sa pangako ng mga kandidato sa isang ligtas, mapayapa, at kapani-paniwalang halalan. Isang resource speaker mula sa COMELEC ang nagsagawa ng lecture tungkol sa “Kontra Bigay,” Election Law at ang 2025 Elections Campain Dos and Donโts, na sinundan ng Open Forum, kung saan ang mga dumalo ay nagpahayag ng mga alalahanin at tinalakay ang mga isyu na may kinalaman sa halalan.
Sa inisyatiba na ito, muling pinagtitibay ng Biliran PPO, COMELEC, at mga ahensyang katuwang ang kanilang hindi natitinag na pangako sa pagtataguyod ng demokrasya at pagpapaunlad ng proseso ng halalan na walang karahasan, pandaraya at pananakot.
-panulat ni Patrolwoman Sherie-ann Masi
