Anti Criminality Campaign, nilahukan ng mga Residente sa Barangay Tambo Munti Kulit Indang, Cavite

Kaugnay ng PNP Anti-Criminality Campaign, nagsagawa ng lecture ang mga tauhan ng Indang Municipal Police Station na ginanap sa Barangay Tambo Munti Kulit, Indang, Cavite nito lamang ika-27 ng Agosto, 2025.

Buong suporta at aktibong nakibahagi ang mga residente ng barangay sa nasabing lecture. Nagbigay sila ng kanilang mga opinyon, nagtanong hinggil sa mga isyung may kaugnayan sa kriminalidad, at nagbahagi rin ng kanilang karanasan upang makatulong sa pagbibigay ng mas malinaw na larawan ng sitwasyon sa kanilang komunidad.

Mahalaga ang aktibong pakikilahok ng mga mamamayan sa ganitong uri ng aktibidad dahil dito mas napapalalim ang ugnayan ng pulisya at ng komunidad. Ang kanilang presensya at pakikiisa ay malinaw na pahayag ng kanilang suporta sa pagpapanatili ng kapayapaan at kaayusan sa bayan ng Indang.