VAWC at Drug Awareness, isinagawa sa Barangay Basud, Tabaco City
Nagsagawa ng lecture ang mga tauhan ng Tabaco City Police Station sa ilalim ng pangangasiwa ni PLTCOL EDMUNDO A CERILLO JR., Chief of Police, tungkol sa Violence Against Women and Children (VAWC) at Drug Awareness sa Barangay Hall ng Basud, Tabaco City nito lamang araw Setyembre 10, 2025.
Ang aktibidad ay pinangasiwaan nina PLT GEMMA R PALLES, PCMS Suellen Ditalo, at PSSg Michael Buella, na tinalakay ang paglaganap at epekto ng mga insidente ng panggagahasa at pag-abuso sa mga kababaihan.
Binigyang-diin ng lecture ang kahalagahan ng kamalayan, mga hakbang sa pag-iwas, at mga mekanismo ng suporta na magagamit ng mga biktima.
Kasama sa mga kalahok ang mga Barangay Officials, Barangay Tanods, at ang VAWC Desk Officer ng Barangay Basud.
Ang inisyatiba na ito ay bahagi ng patuloy na pagsisikap ng Tabaco CPS na paigtingin ang pagpapakalat ng impormasyon sa komunidad at palakasin ang pakikipagtulungan sa mga stakeholder sa pagtiyak ng proteksyon ng kababaihan, mga bata, at ng buong komunidad laban sa lahat ng uri ng krimen.
Source: Tabaco City Police Station
