Dating Mayor na si Alice Guo, hinatulang Guilty sa Human Trafficking
Hinatulan ng Pasig City Regional Trial Court Branch 167 si dating Bamban, Tarlac Mayor Alice Guo ng reclusion perpetua (hanggang 40 taong pagkabilanggo) matapos mapatunayang guilty sa qualified human trafficking.
Kasama sa hatol sina Rachelle Malonzo Carreon, Jaimielyn Cruz, at Walter Wong Rong, na parehong sinentensiyahan ng reclusion perpetua at pinagmulta ng tig-₱2 milyon.
Ang kaso ay kaugnay sa ilegal na operasyon ng isang Philippine Offshore Gaming Operator (POGO) hub sa Bamban, na nakatayo sa lupang inuupahan sa pamamagitan ng kumpanya ni Guo. Ang raid sa Zun Yuan Technology compound ay isinagawa ng Philippine National Police at Presidential Anti-Organized Crime Commission noong nakaraang taon.
Kumpirmado ni Deputy State Prosecutor Olivia Torrevillas na si Guo at pito pang kasamahan ay napatunayang guilty sa qualified trafficking in persons, na nagmarka ng unang matagumpay na kaso sa Pilipinas laban sa mga indibidwal na nangunguna sa organisadong human trafficking.
Si Guo ay kasalukuyang nakapiit sa Correctional Institution for Women sa Mandaluyong City.
Pinuri ni Sen. Risa Hontiveros ang hatol bilang tagumpay laban sa human trafficking, katiwalian, at cybercrime, habang tinawag naman ni Sen. Sherwin Gatchalian ito bilang “makasaysayang tagumpay para sa katarungan at pambansang seguridad.”
Bukod sa hatol na ito, si Guo ay nahaharap pa rin sa 62 counts ng money laundering at iba pang legal na kaso kaugnay sa parehong POGO complex. Iniutos din ng korte ang forfeiture ng Baofu compound pabor sa pamahalaan.
Source: https://www.manilatimes.net/2025/11/21/news/alice-guo-gets-life-term-for-human-trafficking/2227995
