Pamamahagi ng 200 organic chicken para sa Nato Women’s Group, isinakatuparan sa Gubat, Sorsogon

Matagumpay na isinakatuparan sa Gubat, Sorsogon ang pamamahagi ng 200 1-month-old native chicken para sa mga kasapi ng Barangay Nato Women’s Group nito lamang umaga ng April 8, 2026.

Nanguna sa naturang pamamahagi ang
mga tauhan ng Sorsogon 2nd PMFC Revitalized- Pulis Sa Barangay (R-PSB) Team Nato sa pangunguna ni 𝐏𝐂𝐩𝐥 𝐌𝐚𝐫𝐤 𝐋𝐨𝐮𝐢𝐞 𝐉𝐨𝐬𝐞𝐩𝐡 𝐁 𝐁𝐚𝐫𝐫𝐚𝐦𝐞𝐝𝐚, kasama ang Sorsogon Dairy Farm na pinangunahan naman ni Mr. Pedro F. Oliver, ACC III/ SDPTC Superintendent.

Ang programa ay bahagi sa livelihood project ng mga grupo para sa lahat ng nasabing mga kababaihan na may layuning bigyan sila ng sapat na suporta upang makapagsimula ng kanilang pang-matagalang kabuhayan.

Sa pamamagitan ng pulisya at ng iba’t ibang mga stakeholders naging posible ang proyekto na tiyak na nakapaghatid ng suporta para sa mga pamilyang benepisyaryo nito.