Mga Senior Citizens, nakiisa sa Tree Planting Activity sa Aparri Cagayan

Nakiisa ang mga Senior Citizens sa isinagawang Tree Planting Activity sa Brgy. Caagaman, Aparri, Cagayan nito lamang Biyernes ika-4 ng Oktubre 2024.

Ang aktibidad ay pinangunahan ng Aparri Police Station kasama ang mga miyembro ng Bureau of Fire Protection, Municipal Social Welfare and Development Office-Aparri, Senior Citizens, Barangay at SK Officials, at mga residente ng nasabing Barangay.

Sama-sama at tulong-tulong ang grupo sa pagtatanim, na naglalayong itaas ang kamalayan ng lipunan sa kapaligiran at mapanatiling maayos at ligtas ang komunidad.

Patuloy na hinihikayat ng Aparri PNP at iba pang ahensya ng gobyerno, ang mamamayan na pahalagahan at ingatan ang kalikasan para sa mas maunlad na Bagong Pilipinas.