Force Multipliers, nakiisa sa ABC LIGA Meeting sa Eastern Samar

Nakiisa ang mga miyembro ng Force Multipliers sa ABC LIGA Meeting o Liga ng mga Barangay sa Pilipinas, Asosasyon ng mga Kapitan ng Barangay na ginanap sa Polangi Barangay Hall, Polangi, Taft, Eastern Samar nito lamang Oktubre 8, 2024.

Ang aktibidad ay pinangunahan ni Hon. Stella Maris E. Libanan, ABC President kasama ang mga tauhan ng Taft Municipal Police Station at mga Barangay Kapitan ng nasabing municipalidad. Tinalakay sa aktibidad ang kamalayan patungkol sa Drug Clearing Operations, Police Community Relations at iba pang mga programa na makakatulong sa pagpapalaganap ng kaayusan at kapayapaan sa kanilang nasasakupan. Nagpapakita ang aktibidad ng pagkakaisa ng bawat sektor ng lipunan upang patuloy na maihatid ang mga programang pang kaligtasan at mapanatili ang maayos at ligtas na komunidad.