Mag-aaral ng Leon Diaz Element School, nakilahok sa Awareness Lecture

Aktibong nakilahok ang mga mag-aaral ng Leon Diaz Elementary School sa isinagawang Awareness lecture ng mga tauhan ng Maria Aurora Municipal Police Station sa Barangay San Joaquin, Maria Aurora nito lamang Miyerkules, ika-13 ng Nobyembre 2024.

Matagumpay ang aktibidad sa ilalim ng pamumuno ni Police Major Ferdinand B Usita, Chief of Police ng Maria Aurora MPS. Binigyan ng kaalaman ang mga estudyante patungkol sa mga karapatan ng mga bata o Children’s Rights.

Layunin nitong mapalawak ang kamalayan sa mga hamon na kinakaharap ng mga bata at palakasin ang tiwala ng mga bata sa PNP upang makaramdam ng seguridad at kakayahang mag-report ng anumang insidente ng pang-aabuso o panganib sa kanilang kapaligiran.