5 Paaralan sa Palawan, benepisiyaryo ng ‘Gulayan Sa Paaralan’ Program ng Provincial Agriculture Office (PAGO)
Inilunsad ng Provincial Agriculture Office (PAgO) ng pamahalaang panlalawigan ang ‘Gulayan sa Paaralan’ program nito lamang Agosto 03, 2025 sa San Vicente Puerto Princesa City.
Limang paaralan sa lalawigan ang naging benepisiyaryo nito kabilang ang Caruray National High School (San Vicente), Rio Tuba National High School (Bataraza), Tanatanaen Elementary School (Dumaran), Apurawan National High School (Aborlan) at Quezon National High School (Quezon) na tumanggap ng iba’t ibang vegetable seeds, organic fertilizer, seedling trays at tig-isang unit ng rice hull carbonizer, electric power sprayer, garden tools, plastic mulch, blue fine net, at plastic drum.
Ayon kay Provincial Agriculturist Dr. Romeo M. Cabungcal, ang paglulunsad ng programa ay alinsunod sa direktiba ni Gob. Amy Roa Alvarez na matugunan ang problema ng malnutrisyon sa mga kabataang mag-aaral sa lalawigan.
Ito rin ay naka-angkla sa Food Always in the Home (FAITH) Program ng PAgO na may layuning mapalawig ang kaalaman sa backyard o small-scale gardening na maaaring mapagkunan ng masustansiyang pagkain.
Samantala, katuwang ng tanggapan sa pagsasakatuparan ng programa ang Provincial Nutrition Office (PNO) ng Provincial Health Office (PHO) at ang Department of Education (DepEd) Palawan at ang Puerto Princesa City PNP sa pag papanatili ng katahimikan sa naturang aktibidad.
