LGU Dulag, nakiisa sa Collaborative Stakeholders’ Forum sa Leyte
Nakiisa ang Local Government Unit ng Dulag sa isinagawang Inter-Agency Coordination sa pamamagitan ng Collaborative Stakeholders’ Forum na ginanap sa Dulag Cultural Center, Brgy. Buntay, Dulag, Leyte nito lamang Agosto 5, 2025.
Ang aktibidad ay ginanap sa pakikipagtulungan ng Leyte Police Provincial Office, sa pangunguna ni Police Colonel Dionisio CD Apas Jr, Provincial Director kasama ang Police Community Affairs and Development Unit, Dulag Municipal Police Station, Atty. Haidee O. Borja ng NAPOLCOM VIII, MLGOO Mark V. Dacillo at Gissle Gay C. Ballais, Assistant Provincial Prosecutor.
Itinampok sa forum ang mga pangunahing lecture sa 5-Minute PNP Response Time Strategy, at Crime Prevention, POPS Plan enhancement, Community engagement, trust-building at mga legal na pamamaraan sa paghahain ng mga airtight complaint.
Ang naturang aktibidad ay naglalayong palakasin ang inter-agency collaboration, palakasin ang tiwala ng komunidad, at i-highlight ang mabilis na mekanismo ng pagtugon ng pulisya alinsunod sa pambansang kapayapaan at mga estratehiya sa kaayusan.
Ang forum ay nagsilbing plataporma upang isulong ang pagtutulungan ng mga ahensyang nagpapatupad ng batas at mga stakeholder ng komunidad, bilang suporta sa misyon ng PNP na tiyakin ang safer at more secure na Leyte sa ilalim ng pambansang adbokasiya na “Sa Bagong Pilipinas, Ang Gusto ng Pulis, Ligtas Ka!”.
