Advocacy Group, nakiisa sa Clean-up Drive
Masigasig na nakiisa ang mga miyembro ng Advocacy Group sa Clean-up Drive na isinagawa sa Lopez Jaena Street, Subangdaku, Mandaue City noong ika-20 ng Abril 2024.
Ang aktibidad ay pinangunahan ng City Mobile Force Company, Mandaue City Police Office, sa pamumuno ni Police Lieutenant Colonel Leo Torrejos Logroño, Acting Force Commander, katuwang ang mga kawani mula sa Barangay Subangdaku, pati na rin ang mga tauhan mula sa LGU Clean and Green at Solid Waste Management, at Advocacy Group.
Ang pagkilos na ito ay patunay ng dedikasyon ng mga kapulisan at lokal na pamahalaan sa paglilingkod sa publiko at pagtataguyod ng kaayusan at kalinisan sa komunidad. Sinasalamin nito ang kanilang determinasyon na magsilbi at protektahan ang kanilang mga mamamayan.
Tuloy-tuloy ang mga hakbang ng mga kapulisan at lokal na pamahalaan sa pagpapabuti ng kanilang komunidad, na nagbibigay-diin sa diwa ng pakikipagtulungan at pagkakaisa para sa mas maganda at maayos na kinabukasan para sa Bagong Pilipinas.
Source: City Mobile Force Company, MCPO
