KKDAT, nakiisa sa Tree Planting Activity sa Bogo City, Cebu

Malugod na nakiisa ang mga miyembro ng Kabataan Kontra Droga at Terorismo (KKDAT) sa isinagawang Tree Planting Activity sa Barangay Malingin, Bogo City, Cebu nito lamang umaga ng Sabado, Marso 11, 2023.

Pinangunahan ng mga tauhan ng 701st Maneuver Company ng RMFB 7 sa ilalim ng pangangasiwa ni Police Lieutenant Ariel M Aspiras, Officer-In-Charge, katuwang ang Bogo City BJMP.

Ang naturang aktibidad ay alinsunod sa selebrasyon ng 2023 National’s Women’s Month na may temang “WE for Gender Equality and Inclusive Society” kung saan masayang nakapagtanim ng tinatayang nasa 50 na punla ng fruit-bearing trees ang mga grupong lumahok.

Ang naging hakbangin ng naturang mga grupo ay sumasalamin sa iisang layunin na ipabatid sa mamamayan ang kahalagahan ng pagtutungan tungo sa masagana at maunlad na lipunan, gayundin ang Food Security sa pamamagitan ng malawakang pagtatanim ng mga puno.