Information Drive, nilahukan ng mga estudyante sa Parañaque City
Aktibong nakilahok ang mga mag-aaral sa isinagawang information drive na ginanap sa Dr. Arcadio Santos National High School, Parañaque City nito lamang Martes, Marso 28, 2023.
Pinangunahan ng mga tauhan ng Battalion Community Affairs Section ng RMFB-NCRPO ang naturang aktibidad bilang mga tagapagsalita.
Ang aktibidad ay dinaluhan ng 80 na mga estudyante at mga guro ng nasabing paaralan kung saan tinalakay ang RA 11313 o “Safe Spaces Act /Anti-Bastos Law.
Layunin ng programang ito na bigyan ng sapat na kaalaman ang kabataan sa naturang batas na nagproprotekta ng mga kababaihan at lahat ng mga miyembro ng LGBTQ+ sa kahit anung uri ng pambabastos.
