Kaligkasan Warriors, nakiisa sa Clean-Up Drive at Tree Planting sa Bataan

Nakiisa ang mga tauhan ng Kaligkasan Advocacy Support Group sa isinagawang Clean-Up Drive at Tree Planting Activity sa Barangay San Pedro, Hermosa, Bataan nito lamang Linggo, ika-9 ng Abril 2023.

Pinangunahan ng mga tauhan ng 1st Bataan Provincial Mobile Force Company sa pamumuno ni Police Lieutenant Colonel Brownson B Ollaging, Force Commander.

Nagtulungan ang grupo sa pagwawalis at pagtatanim ng puno sa gilid ng kalsada.

Layunin ng grupo na ipaabot sa mamamayan ang kahalagahan ng paglilinis sa kapaligiran at ang tamang pagtapon ng basura na nakakasama ng kalusugan ng tao at ng kalikasan. Hinihikayat din ng grupo ang mga residente na makiisa sa pagtatanim ng mga puno para maibsan ang dulot ng climate change.