Mahigit 500 na kabataan, naging benepisyaryo sa Feeding Program sa Biliran

Cabucgayan, Biliran – Humigit sa 500 na kabataan ang naging benepisyaryo ng Feeding Program Activity na isinagawa ng mga Advocacy Support Group sa Brgy. Looc Cabucgayan, Biliran noong Sabado, Mayo 6, 2023.

Ang aktibidad ay naisagawa sa pakikipagtulungan ng Biliran TRISKELION bilang mga stakeholders na walang sawang sumusuporta sa mga programa ng pulisya.

Bahagi ng aktibidad ang pamamahagi ng libreng pagkain sa mga bata para mabawasan ang malnutrisyon sa lugar. Labis naman ang pasasalamat at tuwa ng mga bata sa pagkain at bagong kaalaman na hatid ng Biliran PMFC sa pangunguna ni PLtCol Jonathan R Momo, Force Commander.

Layunin ng programa na maghatid ng mga pangunahing serbisyo sa mga residente ng nasabing barangay lalo na sa kapakanan at seguridad ng mga bata at ipadama sa kanila na ang gobyerno ay handang tumulong sa mga naapektuhan sa lumalaganap na pandemya.