Municipal Advisory Group, aktibong nakiisa sa Outreach Program

Aktibong nakiisa ang Municipal Advisory Group (MAG) sa Outreach program na isinagawa sa Cabaruan Integrated School, Maddela Quirino noong ika-19 ng Setyembre 2023.

Katuwang ng grupo ang kapulisan ng Maddela Police Station, Police Regional Office 2 at Quirino Provincial Office sa pangunguna ni Police Lieutenant Colonel Ramon Macarubbo, Chief PCADU, QPPO. Tampok sa aktibidad ang pamamahagi ng school supplies, Project BBM (Barbero ng Bayan si Mamang Pulis) at feeding activity.

Maliban dito, tinalakay din ang Anti-Bastos Law, Anti-Illegal Drugs Awareness bilang suporta sa Buha’y Ingatan Droga’y Ayawan (BIDA) at rape prevention tips.

Umabot sa 204 na estudyante ang benepisaryo sa naturang aktibidad. Ang matatag na pagkakaisa ng iba’t ibang organisasyon ay patunay na naisasakatuparan ang hangaring tumulong at suportahan ang sektor ng edukasyon upang bumuo ng matibay na relasyon sa pamamagitan ng kooperasyon at pakikipagtungan ng komunidad sa kapulisan. Source: Quirino PPO