Miyembro ng BPATs sa Sorsogon, sumailalim sa Handcuffing and Arresting Technique Training

Pilar, Sorsogon -Sumailalim ang mga miyembro ng Barangay Peacekeeping Action Team (BPATs) sa isinagawang Handcuffing and Arresting Technique na ginanap sa Barangay Marifosque, Pilar Sorsogon nito lamang Oktubre 2, 2023.

Ang aktibidad ay inisyatibo ng mga personahe ng Pilar Municipal Police Station sa pamumuno ni PMaj Mark Anthony M Ferwelo, Hepe ng naturang istasyon sa pakikipag-ugnayan sa opisyales ng Barangay.

Itinuro sa mga miyembro ng BPATs ang tamang pamamaraan kung paano gumamit ng posas at pag-aresto sa mga taong lumalabag sa batas.

Layunin ng isinagawang pagsasanay na mahasa ang kaalaman ng bawat indibidwal na miyembro BPAT’s habang ginagampanan ang kanilang tungkulin bilang isang force multipliers ng PNP katuwang sa pagpapanatili ng katahimikan at kaayusan sa kanilang nasasakupan.