Advocacy Support Groups nakiisa sa isinagawang Clean-up Drive
Tulong-tulong ang mga Advocacy Support Groups sa isinagawang Clean-up Drive na ginanap sa kahabaan ng Raxabago Street, Barangay 150, Zone 13, Tondo, Manila nito lamang umaga ng Sabado, Abril 20, 2024.
Katuwang sa paglilinis ang mga tauhan ng Raxabago Tondo Police Station 1 ng Manila Police District kasama ang Kambal Na Krus Fire Volunteer, Barangay-Based ASG at CSG Force Multiplier Advocacy Support Group sa pangunguna ni Cess Jeminez.
Ang nasabing aktibidad ay bilang pagsuporta sa programa ng pamahalaan upang itaguyod ang maayos na relasyon sa komunidad at panatilihing malinis ang kapaligiran sa lugar. Layunin din nitong maging kaaya-aya ang lugar sa mga turistang pumupunta sa kanilang pamayanan.
