Clean-up Drive, isinagawa ng Bislig City PNP kasama ang KKDAT
Nagsagawa ng isang Clean-up Drive ang Bislig City Police Station kasama ang Kabataan Kontra Droga at Terorismo (KKDAT) sa Guava Junction, Barangay Poblacion, Bislig City, Surigao del Sur noong Miyerkules ika-15 ng Mayo 2024.
Sa pamamagitan ng pakikilahok sa aktibidad na ito, nagkaroon ng pagkakataon ang KKDAT na maipakita ang kanilang malasakit sa kalikasan at sa komunidad.
Ang aktibidad ay naglalayong magbigay ng kontribusyon sa kalinisan at kaayusan ng komunidad, pati na rin ang pagpapalaganap ng kamalayan tungkol sa pangangalaga sa kapaligiran.
Patuloy na maglulunsad ang Bislig CPS at KKDAT ng mga katulad ng ganitong proyekto upang mapanatili ang kalinisan at maitaguyod ang disiplina sa bawat miyembro ng komunidad.
