Prime Davao Eagles Club, nagsagawa ng Community Outreach Program

Naging benepisyaryo ang mga katutubong estudyante mula sa Kimote Elementary School sa isinagawang community outreach program ng Prime Davao Eagles Club nito lamang Mayo 17, 2024.

Pinangunahan ni Prime Davao Eagles Club President Arnel C. Goc-ong katuwang ang Don Marcelino Municipal Police Station ang pamimigay ng mga school supplies, toiletries, tsinelas, laruan at school bag.

Para naman sa tanghalian ay naghanda ang mga ito ng mga masusustansyang pagkain at panghimagas din.

Ang outreach program ay may mahalagang papel sa pag-unlad ng komunidad sapagkat sa pamamagitan nito ay mas madaling maiaabot ang serbisyong pang-edukasyon, medikal, panghanap-buhay at iba pang oportunidad sa mga barangay.