1-Day BIDA Program at BPATs Training, isinagawa sa Catanduanes

Nagsagawa ng 1-Day BIDA Program at BPATs Training ang mga personahe ng Baras Municipal Police Station sa mga miyembro ng Barangay tanod at opisyales ng 29 Barangay ng Baras na ginanap sa Kalapadan Bay View Park Covered Court sa Barangay Eastern Poblacion, Baras, Catanduanes nito lamang ika-27 ng Hulyo 2024.

Isinagawa sa aktuwal na pagsasanay ang mga paksa na may kinalaman sa tungkulin na ginagampanan ng Barangay Peace Action Team bilang mga first responder.

Ang aktibidad na ito ay naglalayong magbigay ng kasanayan sa mga miyembro ng Force Multipliers upang magkaroon sila ng mga kaalaman na kapaki-pakinabang sa kanilang tungkulin upang mas mapanatili ang kaayusan at kapayapaan ng komunidad.