124th Philippine Civil Service Anniversary Tree Growing Activity, idinaos sa Lanao del Sur

Matagumpay na idinaos ang 124th Philippine Civil Service Anniversary Tree Growing Activity sa Barangay Extension, Wao, Lanao del Sur nito lamang ika-20 ng Setyembre 2024.

Pinangunahan ng Barangay Local Government Unit ng naturang lugar ang aktibidad na katuwang ang 3rd Platoon 1st Provincial Mobile Force Company – LDS PPO, mga guro ng Wao Community Central Elementary School at nakapagtanim ang mga ito ng 40 Falcata at 30 Mahogany Seedlings.

Ito ay naglalayong makapagbigay ng kontribusyon sa pagpapabuti ng kalidad ng hangin, pagbawas ng epekto ng climate change, at pagpapanatili ng biodiversity sa mga komunidad.

Sa pamamagitan ng pagtatanim ng mga puno, nagiging aktibo ang mga mamamayan at kapulisan sa pagprotekta sa kalikasan, habang tumutulong sa pagpapabuti ng ekosistema at pagpapalakas ng mga programang pangkapaligiran ng pamahalaan at lokal na komunidad.