CAGPTD, nakibahagi sa Outreach Program

Aktibong lumahok ang Company Advisory Group for Police Transformation and Development (CAGPTD) sa isinagawang outreach activity sa pamamagitan ng pagbibigay ng regalo sa Mabilong Elementary School, Mabilong, Lubuagan, Kalinga nito lamang ika-2 ng Oktubre 2024.

Ang aktibidad ay pinangunahan ng 2nd Kalinga Provincial Mobile Force Company katuwang ang mga miyembro ng Company Advisory Group for Police Transformation and Development na dinaluhan ng mga mag-aaral at mga guro.

Tampok sa aktibidad ang pamamahagi ng mga payong sa mga mag-aaral at mga guro ng nasabing lugar.

Ang mga payong ay simbolo ng proteksyon at suporta para sa mga kabataan, lalo na sa panahon ng tag-ulan, na makakatulong sa kanila sa pagpasok sa paaralan.

Ang aktibidad ay nagpapakita ng patuloy na pagsusumikap ng 2nd KPMFC at ng kanilang mga katuwang sa pagbibigay ng serbisyong may malasakit, na tunay na nararamdaman ng komunidad.