KATROPA, nanguna sa Clean-up Drive sa Tondaligan Beach

Pinangunahan ng mga opisyales at miyembro ng Kalalakihang Tapat sa Responsibilidad at Obligasyon sa Pamilya (KATROPA) ang isinagawang clean-up drive sa Tondaligan Beach, Dagupan City noong Oktubre 5, 2024.

Ang aktibidad ay bahagi ng programang “Unliserbisyo” na pinasimulan ng Mayor Belen T. Fernandez ng Dagupan City upang mas mapabuti ang kalinisan at kaayusan ng komunidad. Pinangunahan ni KATROPA President Bernard Tuliao ang nasabing gawain, kaisa ang City Population Office at mga Barangay Family/ BSPO’s ng Bonuan Gueset upang masiguro ang tagumpay ng proyekto.

Bukod sa clean-up drive, nagsagawa rin ng Ph fitness activity ang mga miyembro ng KATROPA upang mapanatili ang kanilang kalusugan at kalakasan. Ang ganitong mga aktibidad ay mahalaga upang palakasin ang kanilang samahan at isulong ang mas masiglang pamumuhay sa kanilang mga pamilya at komunidad.