Tree Planting Activity, isinagawa sa Aklan

Isang makabuluhang tree planting activity ang isinagawa na pinangunahan ng mga opisyal ng barangay, katuwang ang mga tauhan ng 2nd Aklan Provincial Mobile Force Company (PMFC), kasama ang Delta Coy 12IB ng 3ID Philippine Army at ang Aklan Maritime Police Station sa Barangay Pawa, Nabas, Aklan, nito lamang umaga ika- 11 ng Nobyembre, 2024.

Ang layunin ng pagtutulungang ito ay ang makapagbigay ng positibong epekto sa kalikasan at komunidad.

Sa bawat punong itinatanim, nagbibigay daan ito tungo sa mas luntiang kinabukasan para sa lahat. Ang hakbang na ito ay simbolo ng kanilang patuloy na dedikasyon sa pangangalaga sa kapaligiran at pagpapalakas ng pagkakaisa sa komunidad.

Naging matagumpay ang nasabing aktibidad, sa pamamagitan ng pinagsasama-samang suporta at aktibong pakikilahok ng iba’t ibang ahensya ng ating bansa na may iisang adhikain na palakasin ang ugnayan ng bawat isa at maipakita ang kanilang malasakit at dedikasyon sa pagpapanatili ang kagandahan ng ating inang kalikasan para sa mga susunod pa na henerasyon.