Bagumbayan Masonic Lodge 464, nagsagawa ng Feeding program para sa 50 na mag-aaral

Nagsagawa ang mga miyembro ng Bagumbayan Masonic Lodge 464 ng feeding program sa mga mag-aaral ng San Nicolas Elementary School, Llanera, Nueva Ecija nito lamang Miyerkules, ika-18 ng Disyembre 2024.

Kasama sa aktibidad ang mga tauhan ng 2nd Nueva Ecija Provincial Mobile Force Company, na nagbigay din ng security assistance sa pamumuno ni Police Lieutenant Colonel Warly Calingayan Bitog, Force Commander.

Naghandog ang mga nasabing grupo ng foodpacks sa 50 mag-aaral, na labis namang ikinagalak ng mga ito.

Tiniyak ng Nueva Ecija PNP katuwang ang iba pang grupo na kasapi sa aktibidad na mas magiging produktibo at lalong palalawakin ang serbisyong ipapaabot sa mamamayan upang maipadama ang malasakit at magkaroon ng mas matibay na ugnayan sa komunidad tungo sa inaasam nating Bagong Pilipinas.