KKDAT Sabangan Chapter, nagdaos ng Taunang Pagtitipon
Matagumpay na naisagawa ng KKDAT Sabangan Chapter ang kanilang Taunang Pagtitipon na idinaos sa Sabangan Municipal Police Station nito lamang ika-26 ng Disyembre 2024.
Ang pagtitipon ay isinagawa sa gabay ng mga tauhan ng Sabangan Municipal Police Station bilang pagdiriwang sa kapaskuhan at bagong taon.
Maliban sa pagdiriwang, nagkaroon din ng talakayan sa mga paksa ukol sa Anti-insurgency, kahalagahan ng pagkakaisa laban sa insurhensya at leadership pillars na nagbigay-diin sa tamang katangian ng isang lider.
Nagkaroon din ng open forum kung saan malayang naibahagi ng mga miyembro ang kanilang saloobin at katanungan.
Natapos ang programa sa pamamahagi ng mga regalo bilang pasasalamat sa mga dumalo.
Ang pagtitipon ay patunay ng pagsusumikap ng KKDAT na maging kaagapay sa kanilang layunin sa pagpapanatili ng kapayapaan at kaayusan sa bayan.
