3rd General Assembly ng Samahan Defense Force Multiplier, isinagawa sa Iloilo City
3rd General Assembly ng Samahan Defense Force Multiplier, isinagawa sa Iloilo City
Matagumpay na isinagawa ang 3rd General Assembly Meeting ng Samahan Defense Force Multiplier na may temang “Consolidate; Expand the organization to serve and protect the community against CTG’s infiltration and other threat elements” sa Covered Gym ng Iloilo City National High School sa Molo, Iloilo City nito lamang ika-8 ng Marso 2025.
Dinaluhan ito ng mga opisyal ng Philippine National Police na kinatawanan nina PLtCol Adolfo E Eyan, RPCADU 6, OIC, at PLtCol Arnel Solis, Deputy Chief ng RCADD 6, at kinatawan mula sa Armed Forces of the Philippines (AFP) na sina Maj Jecey Batiller, 31D PA Camp Peralta Jamindan, Tapaz, Capiz, at 1st Lt John Michael C Andales, Commanding Officer 3rd CMO Coy, 3CMO Batallion, na nagpahayag ng kanilang suporta sa grupo bilang katuwang sa pagpapanatili ng kapayapaan at seguridad sa komunidad.
Mahigit isang daang masisigasig at aktibong myembro ng SDFM ang nagtipon-tipon sa nasabing pagpupulong na mula pa sa iba’t ibang sulok ng Rehiyon 6.
Sa kabila ng distansya at hamon ng paglalakbay, nagkaisa ang bawat isa upang makiisa sa makabuluhang talakayan, pagpapalakas ng samahan, at pagpaplano ng mga susunod na hakbang upang mas mapahusay ang kanilang serbisyo sa bayan.
Ang kanilang presensya ay patunay ng kanilang matibay na dedikasyon sa misyon ng samahan na tumulong sa pagpapanatili ng kapayapaan at kaayusan sa kanilang mga komunidad.
Sa kanilang pagsasama-sama, tinalakay nila ang mga kasalukuyang hamon sa seguridad, pagpapalakas ng koordinasyon sa pagitan ng mga miyembro, at pagpapalawak ng kanilang adbokasiya upang mas maraming mamamayan ang mahikayat na makiisa sa kanilang layunin.
Pinangunahan ng mga tagapamahala ng Samahan Defense Force Multiplier ang diskusyon tungkol sa pagpapalakas ng kanilang organisasyon, pagpapahusay ng kanilang mga kasanayan, at pagpapatibay ng ugnayan sa pagitan ng komunidad at ng mga ahensya ng gobyerno.
Nagbigay rin ng mensahe ng pasasalamat at suporta ang kinatawan ng PNP at AFP, na kinikilala ang mahalagang ambag ng mga force multiplier sa pagpapanatili ng katahimikan at kaayusan sa lipunan.
Sa pagtatapos ng pagpupulong, binigyang-diin ng pamunuan ng Samahan Defense Force Multiplier ang kanilang pangako sa patuloy na paglilingkod sa bayan. Patuloy nilang palalakasin ang kanilang hanay upang mas epektibong makatulong sa pagpapanatili ng kapayapaan at seguridad sa kanilang mga komunidad.
Ang matagumpay na pagpupulong na ito ay patunay ng mas matibay na ugnayan sa pagitan ng mga mamamayan at ng mga tagapagpatupad ng batas, na siyang susi sa mas ligtas at mapayapang bansa.
